Hrossaræktarbúið Höfðabakki

Hrossaræktunin frá Höfðabakka hefur verið með smáu sniði aðeins notaðar 3-5 hryssur á ári til undaneldis, þar má fyrsta nefna Ósk frá Hafnarfirði sem er okkur fædd og hefur hún verið að gefa okkur afbragðs gæðinga sér í lagi hæfileikahross.

Á síðustu árum höfum við verið að taka dætur Óskar inn í ræktun okkar. Þær eru Sverta undan Ófeigi 818 við eigum aðeins eitt afkvæmi undan henni það er Svertingi 6v. undan Safír frá Viðvík sem er í eigu Sigurðar Matthíassonar. Er hún margverðlaunuð fyrir skeið, hefur hún skeiðað best 150m. á 13,8 sek.

Næst kemur Smella undan Gusti frá Grund hún er með fyrstu verðlaun fyrir hæfileika og þar má nefna 9,0 fyrir skeið (sjá afkvæmi í afkvæmalista). Þá kemur Stikla undan Andvara frá Ey hún er einnig með fyrstu verðlaun fyrir hæfileika og þar af 9,5 fyrir tölt og 9,0 fyrir stökk og hófa.

Þriðja í röðinni er Snilld undan Kjark frá Egilsstaðabæ hún er fyrstu verðlauna hryssna með 8,39 fyrir hæfileika 9,0 fyrir skeið og vilja og geðslag. Þessar 3 dætur Óskar eru við nú komin með í ræktun.

Einnig höfum við ræktað undan Freyju 7400 frá Efri-Þverá sem er fædd okkur. Undan henni höfum við fengið góða reiðhesta en fáar hryssur aðeins tvær í okkar eigu önnur er Sjana frá Höfðabakka sem hefur verið að gefa okkur mjög góð hross t.d.Dagrúnu verðlaunuð tölthryssa. Hin er Freysting aðeins 4.v sem við bindum miklar væntingar við.